Ambuang Baro dan Puti Intan/Alas Kata

[ 19 ]

ALAS KATA

Dangan Bismillah hambo mulai,
kapado Tuhan mamintak ampun;
maoh jo rilah mintak dibari,
suatu carito hambo susun.

Mamintak ampun kapado Tuhan,
ditadahkan tangan kaduonyo;
suatu carito hambo karangkan,
lai tabayang sajarahnyo.

Ditadahkan tangan kaduonyo,
mauh dimintah ka nan rami;
mungkin kok kabua sajarahnyo,
jajak nan lipua kito cari.

Dimintak maoh ka nan rami,
kapado sidang nan basamo,
jajak nan kabua kito cari,
tabik di dalam kiro-kiro.

Ampuah topan dari Tambulun,
muaro ka mano dihiliakan;
mudiak kalauik lapeh sajo,
angin taduah riak bapusiang.

Sungguahpun carito hambo susun,
bukan pahino-pamuliakan;
hanyo ka ganti gurau-sando,
bao ka diri masing-masiang.

Dalam uraian carito nagko-barampek urang nan takaba-iolah ampek urang mudo-nan samo binaso kaampeknyo, [ 20 ]Bamulo Gombang Ambuang Baro, kakak nan Gondan Puti Intan, rang kampuang Piliang Tangah. Dek ragam dunia nangko juo, hilang bana lupuik ingatan, namuah mati bakalang tanah.

Kaduo anak urang manjo. Tuan Bujang Sutan Nan Sati, urang Piliang Baruah Kubang; bungo satangkai di halaman, pamenan urang Tujuah Suku.

Dek mato mambao buto, dek hati mangkonyo mati; kicuah sahabaik samo gadang, takuik dek.uleh kamangasan, malu dek buhua ka mambuku.

Namo rang mudo nan katigo, Sutan Rajo Talauik Api, manti di Canduang Koto Laweh. Mato mambao badan buto,

hati mambao badan mati,

dek ulah dunia tak mamueh.

Nan kaampek disabuik namo, iyo Pamuncak Sutan Maka; Di-biaro Tangah Duo Puluah, di kida lurah nan manajun.

Dek ulah dunia nangko juo,

nyao hilang badan tahanta; kicuah sahabaik nan mambunuah, ulah dek dunia nan baracun,

Limbak nan dari pado ituu—mangko sangketo ka manjadi- sampai tajadi tikam-bunuah—ulah saurang parampuan—disabuik

16 [ 21 ]gala jo namonyo-Aciak Cipeh Jilatang Kampuang-ndak tantu dusun nagarinyo-indak tantu tampek diamnyo. Kakok pahadok salamonyo-mangusuik barang nan salasai-mampakaruah aia nan janiah.

Adok Gombang Ambuang Baro-Tuan Bujang Sutan Nan Sati-Sutan Rajo Talauik Api-sarato Pamuncak Sutan Maka urang barampek basahabaik-sakabek sabuhua mati-sajak ketek sapamainan-sampai gadang indak bacarai-salapiak sakatidua- ran-sabanta sakalang hulu. Tatapi akia kamudian-adok kaampek urang nantu-lah timbua silang sangketo-sampai tajadi tuhuak parang-tajadi racun maracun. Indak lain pangka sababnyo- Aciak Cipeh Jilatang Kampuang-nan jadi biang kaladinyo-inyo mambuek asuang asah-mambuek pitanah kanan kiri-sampai taja- đi tikam bunuah.

Sidang pambaco/pandanga nanbasamo-kini baitu hanyo lai. Dialiah tujuan kato-dibatuakan malah padoman-curito di-susun dari mulonyo. Sabuah pulo nan dimintak. Kapado sidang nan mambaco khusus ka niniak dangan mamak atau pun cadiak tahu pandai-kok ado Koto Sorong Lompek, baiak papatah jo patitih-ibarat jo kiasan tidak tatatah di tampeknyo-maoh jo rilah hambo pintak-kito bamulo hanyo lai... Templat:Right Templat:Right [ 22 ]