16
sarangkuo dayuang, kamudiak sarantak gala. Ujuang hajumbai kato hailamatkan. Iyo dek nan diama alah pacah nan dimukasuik alah sampai, lai kito ko bak iharaik buruang banyak:
Bakuruang bapasak kandang
bakabek batali rantai.
Nan biaso lansai hutang dek babayie,
lapeh kabek dek baungkai.
Tantang dihutang nan kamambayie
dikabek nan kamaungkai handak bapituah datuok.
"JAWABNYO"
Sapanjang buah panitahan Sutan nan tairi nan tabantang, tatabuah kanan rapek talayang ka tangah tangah, tatumpa bake badan diri ambo. Itulah kato nan sabananyo. Iyo dek nan diama alah pacah nan dimokasuik alah sampai, lai kito ko bak ibaraik buruang banyak;
Bakuruang hapasak kandang
bakabek batali rantai
Lansai hutang dek babayie
lapeh kabeh dek baungkai.
Lai tantang di hutang nan kamambayie, dikabek nan kamaungkai, dek Sutan lai disiko. Nan mudo capek kai ringan tangan. Capek kaki indak panaruang ringan tangan indak pamacah, aso tarantang duo sudah nan bahati suci bamuko janiah, pandai manari di ujuang padang pandai basilek di ujuang lidah.
Dek lah kari tapacik dipandeka, bulanglah tapacik di juaaro. Disiko biang cabiek gantiang putui, indak diulang kilin titikam jajak. Barek jo ringan pikualah dek Sutan kami mairiang dibalakang.
"MINTAK PULANG"
Walau dek awa kalam tadi, dek sambah ambo nan sabari dek muluik nansapatah, tatabua ka nan rapek talayang ka tangah tangah taserak ka nan rami, tatumpa bake Datuok, Koknyo bakato ambo di nan bana, lai taracak di limbago, batenggek lai dipusako, sananglah hati Niniak Mamak.
