19
Buruang sinurak nan sinuri
manari nari diate pamatang
Siriah galak pinang manari
mancaliek curano nan lah datang,
Ramo ramo tabang malayang, malayang ka Koto Tangah banyak nan ampek puluah ampek. Endah curano bukan kapalang, nan talatak di tangah tangah dilingkuang urang nan rapek.
Congak sarupo bangau katabang, kung kun bak alang ka hinggok, lan tiak bak alang bamain. Satahun dipuga Bugi samusim dilingkuang Cino usah karatak rengehpun tidak.
Sirieh udang tampuak hari, tampuaknyo bak kuku balam, gagangnyo bagai suaso. Batang diambiak katinaman buah diambiek katiruan. satahun dalam pangguluangan usah kalayua batambah hiduik. Siriehnyo kuniang merah janggi jatuah sularo ka masajik. Ganggang saeto dari Bumi jarak sajangka dari Langik.
Pinang si hirak hirau mani, tumbuahnyo di kida rumah, tingginyo panjek panjekan. Randahnyo jangkau jangkauan, Pucuak malepai awan putiah tuolah tupai dek mamanjek haram basuo jo buahnyo, anta kok dek urang wali Allah nan kiramaik hiduik hiduik nan batuah sampai mati.
Gambie kuniang sularo dadie buatan puti Sarilamak. Manihnyo tingga di lidah, kaleknyo tingga di rangkuangan daun malayok ka lawitktan, tibo di pulau batebaran. Ka ilie ka Indopuro itu manjadi kapalo baso.
Sadahnyo putiah mambanak balam, disiram jo ayie bungo dipati jo pati santan. Dipalik jo jari manih nan bakisah ka jari tunjuak, mam-
