20
bayang ka tapak tangan. Sapalik sapuluah ame, sakadam sakatilimo, harago nan tidak taharagoi harago satimbang jo Nagari, makakan anak rajo rajo makanan Sutan jo Panghulu. Pihak kapado Timbakaunyo. Timbakau halui ambun baranjano, diracik anak Sutan Bantam, saeto panjang jaluonyo, baun satahun palayaran. Nan bajamuo di biliek dalam, bapantang masiek dek paneh, masiek dek ambun tangah malam. Siracak tabang ka ranah, hinggoknyo ka Palo Koto. Badacak Sirie jo Pinang Datuak kunyah, bacahayo sampai kamuko. Mudiakan sawah di Alai iliakan sawah Taruko Kok banyak bana sirieh di balai sado iko dalam Curano. Sirie sacabiek mintan dikunyah, pinang sabuah mintak digatok, Sairiang balam jo barabah. Barabah lalu balam mandi, saikuo mati tagulampai, Sairiang salam jo sambah, samba lalu salam kumbali, pidato dipulangkan kanan pandai. "PIDATO ALAM" Assalamu 'alaikum wr.wb. Diangkek sambah dianjuang budi, disusun jari nan sapuluah, di takuakan kapalo nan satu, diunjamkan lutuik'nan duo. Ampun baribu kali ampun. Ampun sayo di Tuanku Daulat Yang Dipituan Rajo Tigo Selo. Ampun sayo di Angku Datuak Bandarokayo jo Datuok Marajo Basa nan mamagang taraju panuah tampuak tankai alam Pariangan Padang- panjang. Ampun ambo Basa Ampek Balai sarato Langgam Nan Tujuah nan baikuo bakapalo nanbakapak baradai. Ampun sayo di bapak......... sarato nan datang dari tingkek I jo tingkek II dan undangan nan kami muliakan. Pusek jalo kumpulan ikan nan ma-atok ma-atur Negara, Daerah nangko, sakali gawa baribu kali ampun.
