22
Luak nan Bungsu Limopuluah.Rajo di Sandi Payokumhuah, Rajo di Ranah Talago Gantiang, Rajo di Lare Sitanang Muarolakin, Rajo di Luak Ayie tabik, lalu ka Niniak nan barampek Datuok Majo Indo di Koto Lawe di Andiang Koto nan Panjang.
Datuok Siri di Mungka Koto Tuo, Dt Bandaro di Mahek Awuoduri.Dt Rajo di Balai Muarotakui talago undang sampai ka Niniak nan balimo. Ka Kuok jo Bangkinang, ka Salo jo Ayietiri, limo jo Rumbio.Dt Bandaro Sati nan manahan tapatan Rajo di Pasak hulu. Kok umpang Sibiran manarco, kok ado kilaf jo kilafat ampun jo ma-af panyudahi.
Limbak nan dari pado itu. Adat dek duo salanggano cancang nan duo jo landasan Puntiang talatak nan di ulu, di bawah kiliran taji. Asa rundiang nan daulu tigo limbago nan tarajoli.
Partamo sambah manyambah, kaduo baso jo basi, katigo sirie jo pinang. Muluik mani calempong kato, budi bayiek talipikatan banamo adat sopansantun. Rajo Alam di Minangkabau.
Ramo ramo tabang malayang, malayang ka Koto Tangah, banyak nan ampek puluah ampek. Aluran sirieh dalam carano barisi salang koknyo, ba-ale batadah balingkuang dengan maniak bakarang, kuniang sacoreang diatenyo.
Talatak diate lapiek nan takambang dibawah tirai nan tagantuang dilingkuang ragi nan tadendeang. Carano baukie mintak dibuka, lah cukuik syarat jo rukunnyo indak nan kurang satu juo. Kapualah sirieh nan talatak, nak sanang suto dalam turak.
Sabuah lai nan tarigi dek pikiran, takalang dek mato, takana dek hati, patang pagi tak kunjuang lupo, siang manjadi angan angan malam manjadi buah mimpi Kini takana nak manyabuik, tacinto diangan nan mambaco dihadapan Bapak.....
Balayia nak mahadang pulau , pulau nan jawuah di tangah, dilamun ombak nan gadang dibaliek riak nan baralun harapan kito nan basamo sakato alam sapanuahnyo, tuah kiramaik Bundokanduang.
Adapun karajo kito kini nyato siang nan bak hari, tarang nan bak bulan banamo batagak.... nak bapambarian bapak tantang iko.
"PIDATO ALUN BARABALUN
Assalamu ’alaikum Wr. Wbr.
Sambah tajelo dinan rapek, maaf tasimpuo dinan banyak ujuik kapado Niniak Mamak, Panghulu nan gadang basa batuah.Nan tinggi
