– 26 –
"PIDATO ISTANO BASA PAGARUYUANG"
Asaalamualaikum Wr Wbr.
Mangko menyambahlah ambo dihadapan angku jo Panghulu nan gadang basar batuah, sarato cadiak tahu pandai, Malin Khatib, Bilal jo Ulama partiapan isi Nagari.
Palupuah batang malapari, pucuak sitawa aka capai, batang. limpato rang patahkan. Sungguahpun ambo tagak badiri, bukan ambo rang cadiak pandai, pusako kato nan ambo pasambahkan.
Nayiak ka gunuang banyak kabuik, lalu karimbo ulu jati, kayu gadang banyak nan bagatah nan bacampuo jo kayu kamat. Takuik gumanta ambo manyabuik, dek Panghulu banyak nan sati, rang gadang banyak nan batuah, Tuanku banyak nan kiramaik.
Mintak ampun ambo di Panghulu nan gadang Basa Batuah. Ambo nan mambilang nan manyambah, nan maurai mamapahkan. Condong nan raba lai batungkek pucuak sitawa disusunkan. Tolonglah ambo di nan rapek, nan ma-a nan gawa Jo nan tingga diampunkan;
Sitawa di pulau Rimbang
anak ruso mati tadabie
Kok gawa bulie ditimbang
Pado badoso ampun nan labie.
Rumah gadang surambi Aceh, nan salanja kudo balari, salentak kuciang malompek sasayuik bundo maimbau, Gonjong ampek (...) bintang bakilatan, banamo rabuang mambacuik timah mamutiah di atenyo. Tonggak gaharu lantai cundano tarali gadiang balariak, bubuangan burak katabang. Paran bagambar ulangiang bagaluik rupo ukie Cino salo menyalo ayie perak anjuang batingkek baalu alun, tampek nienyuri manirawang, paranginan puti nan disanan. Limpape rumah nan gadang; sumarak anjuang nan tinggi hiasan korong jo kampuang.
Lorong kapado tiangnyo. Tiang tuo rajo batuah, tiang panjang rajo bajuntai, tiang tangah rajo nan mulie tiang tapi rajo nan bungsu.
Sandinyo banamo alua adat, manahan sampik dengan sam[...] tak manyiuk nan babubuangan pangkek di ateh paninjau [...] jawuoh. Musuah nan datang tak ba panggie, mamandang ka [...] karantau.
