Page:ADH 0007 A. Damhoeri - Palsafah Pakaian Penghulu jo Pidato Aluo Pasambahan Adat Minangkabau.pdf/26

Templat:Gap Kok dibilang pado kasaunyo nan banamo hubungan lidah. Parannyo sambutan kato, atoknyo sitahan bandiang banamo parisai alam Pintunyo suluah bendang, gadiang gadiangnyo manahan ulak, rasuak banamo salam bajawek nan palanca pandai baretong,balantai harapan nyato, babiliek kulambu rumin nan basuto biludru gandum.Bakandang pautan bantiang, bapaga sasakbakuliliang bapakarangan balingkuang batuo, banamo Lare sabalik halaman, lawe ujuang jo pangka.
Templat:Gap Atok batirak ba antiang antiang basulam bamaniak pulo.Ditapi sangkutan aguang, di tangah sangkutan gandang, di ujuang cacak mauni, dipangka titian mancik. Tirai atok kubin malayok, pasak pintu lidha katian, pasak rumah kukuang sabalik.
Templat:Gap Banduonyo situkuak sayang kupang kupangnyo siawan ragi nan bajanjang sirandah hati. tapijak patang jo pagi, tatap batanai bakulilinag. Batanjuak bapucuak rabuang, bantuaknyo bak kabau bakolam batapian ado basumua tampek mandi.
Templat:Gap Pihak kapado kolam jo tapian, Sinanlah rutiang susun basusun,tampak kulari kaja bakaja, sinanlah puyu baradai baradai ame, Ayienyo jenie bukan kapalang, lumuik tidak lintahpun tidak hanyyo sapek balayangan.Labuah kampuang cindai tarajelo, labuah panjang kasa tahantang.Pudiang ame paga di lua pudiang geni paga di dalam.
Templat:Gap Bacubadak buayan buruak, limau mani sandaran alu. Kamuniang pautan kudo,kudo banamo balahgkandai kaki nan raja kaampeknyo. Basisondok tupai managun, baikuo sarasah tajun, balang bakawan mangulampai.
Templat:Gap Halaman nan tidak gadang bana, salanja kudo balari sasayuik bundo maimbau.Kamar kamar namo rumpuiknyo, pasie tabantang kiri jo kanan. Sinan pandeka main padang tampek nan mudo mainmancak anak anak main tonde.
Templat:Gap Batutapakan bulan ampek bale,induaknyo suaso balariak. Batata ba-antiang antiang buatan Sariak Sungaipua. ukie suda ragam tak jadi, kok sudah barulah ka rancaknyo, alun sudah tukang dibunuah,ukie nan tidak bulie ditiru kan.
Templat:Gap Takajo tonggak kadielo, mulonyo bandua kadisusun taraloli adat baso basi alam nan sunyi jo isinyo.Tawa nan ampek dari Basa Ampek Balai.Linjuang dari Tuang Gadang Batipuah.Tahu junjuangan dari Rajo adat nan di Buo.Tahu hitam dari Rajo Ibadat Sumpukudui.
Templat:Gap Tali paelo tigo ragam dari LimoKaum 12 Koto, padi carai dari alam Surambi Sungaipagu.Padi puluik dari Daulat Parit Batu Ayam jantan.