28
dari Biaro Balai Gurah Ayam batino dari Lunang jo Silaut himpunan ka Indopuro.
Ame mamah dari Banda Nan Sapuluah. Tonggak tuo dari tampuak tangkai alam. Payuang Panji dari Pasak Hulu Limopuluah.
Paran Panjang dari rantu Simalidi, Paran pendek dari pasisie Pariaman Tiang nan banyak dari rangkayo jo Panghulu Sandi (sebut dimana berdirinya) kasau mangasau dan turang malintang diramu dek......
Ijuak buruak datang maungguak. Ijuak bayiek marajo sontang. Ukie maukie ditigo Luak, Patuik mamatui di Tampuak tangkai alam. Basa
Ampek Balai tumpuan kato.
Danciang danciang pangaluaran Padang Salapan suku , alek jamu di Solok Sulayo dalam Kubuang Tigobale, bantiang jo kabau dari Sijunjuang Koto Tujuah Taraju di pacik Tuan Titah, Aluang Bunian di Machudum Sumaniak.
Bakumpualah alam saisinyo, iyo di Nagari.....(sebut dimana lokasinya ). Sungguapun sambah ambo lewakan kahadapan angku jo Panghulu , umumnyo kapado kito nan basamo namun tatumpa kapado......
Talatak puntiang diulu
takanan lilin jo ambalau
tak niungkin katangga lai
anta kok ulu nan kalapuak.
Sambah alah salam lah lalu
kumbali buni nan didanga
sakitu sambah pado Datuok
"PIDATO BATAGAK GALA PANGHULU"
Assalamualaikum ambo mulai.
Mangko manyambahlah ambo dihadapan angku jo Panghulu Niniak Mamaknan Gadang Basar Batuah, Sarato Manti jo Hulubalang, Imam
Khatib, Ulama jo Tuanku partiapan isi Nagari.
Sabab baitu kato adat limbago dalam alek
nangko, kok alek alah sapanuah kampuang, lah cukuk balako kasadonyo rasokan indak banan tidak, panuah bak bulan ampek bale,saketek indak lilik sumbiang bone balako kasadonyo, saincek tak nan ampo.
