Dek pulau jalo man jalo, gunuang liku baliku Galap gulito maso itu,
basentak turun ka bawah Tibo di Guguak Ampang di Langgundi Nan Baselo di bawah Labuah Sitimbago, diani di kampuang Pariangan
manjadi pepatah dek nan tuo ;
Ka ilie ka Indogiri
ka mudiak ka Ladangpanjang
Dimano adat mulo badiri
di Pariangan Padangpanjang.
Tasabuik ranah Minangkabau , tigo Luak rangkatokan , Tanah Data
jo Luak Agam katigo jo Luak Limopuluah, Luak Tanah Data Nan babatu babungo satangkai, basungai bakayu tarok, bakanipuang
dibaliek labuah, bananio si Dusun tuo, balinio kaum nan disanan. Limokaum 12 Koto, 9 Koto di Dalam , 12 Koto di lua. Batabek ba
Sawah Tangah Sawah Gadang Satampang banie makanan urang tigo Luak. Ujuang Labuah Tanjuang Sungayang, bapintu ka Suugaipatai ,
bajanjang ka Koto Rajo.
Tigo tanjuang nan tasabuik. Tanjaung Baralak, Tanjuang Sungayang,
Tanjuang Alam Bungosatangkai, Babasa Ampek Balai. ba Daulat Yang Dipituan. Baru Alam gunuang Pasisie Nan Sahinggo Pinto Rajo Hilie.
Hilie badatuak mudiak batuan , Tuan Qadhy di Padang Gantiang, Tuan Gadang di Batipuah. Tuan Indomo di Saruaso Tuan Machudum
di Sumaniak. Angku Titah di Sungai Tarab, Rajo Basa di Pagaruyuang
ado papatah mangatokan ;
Colok merah kain saruang
pakai anak mudo nuido
kiriman dari Bangkahulu
Sifaik Rajo Pagaruyuang
di rantau manjadi Rajo
di Luak manjadi panghulu
Tasabuik urang mamarentah di dalam Luak nan tigo dengan Lareh Nan Duo. Lareh nan bajanjang nayiek iyolah Lareh Koto Piliang, dibawah pimpinanyo Dt. Katumangguangan. Adatnyo nan babari nan bapahek, nan baukuo nan bakabuang. Kaduo Lareh Bodicaniago dibawah pimpinan Dt.Parapatiah Nan
