32
batanti tadonyo manjadi urang tuo. Buwek kok indak taguah,ikarah kok indak bauni, alamat dimakan sibiso kawi.Tungku nan tigo sajarangan, banamo cadia tahu pandai. Pamenan dek lareh nan duo pepatah dek Luak nan Tigo.Kalau talamau larang jo pantangan, budi abi paham tagadai, syarak rusak adat binaso tuo cubolah tanyo kanan tuo.
Templat:Gap Taliti jo aka budi, runuik ratelah jo kiro kiro. Kulik kok manganduang ayie, mumuak sampai kapanguba sampai katarenyo binaso juo.
Templat:Gap Nak ja-an basuo nan bak itu , asuolah budi kana tuo,manampuang kanan pandai. Pasai pasailah manimbo puweh puwehlah manampuang, Kalau ma awai sahabi raso kok mangaruak sahabi gawuang, samo ancau bak basiang samo data bak manundo.
Templat:Gap Kok lai tapakai nak bak itu, bak cincin lakek dijari , alah tahimbau dinamonyo, ala tasabuik digalanyo. Nak cincing galang lah bulieh, nak ayie pincuran tabik nak licin cahayo datang.
Templat:Gap Ambacang di tangah padang, ditingkek satangah duo tingkek, ditingkek nan rang gumbalo. kok dirangtang namuanyo panjang elok dikumpua naknyo singkek, singkek sakiro kapaguno.
Templat:Gap Badia japun di Bangkahulu, panembak ondan di dalam tabek. Ampunlah sayo dek Panghulu, sambah tibo di nan rapek nak dibari batampek. Nan tampek sambah simpanan kato pado Datuak......
Templat:Gap Sunggahpun Datuak surang nan dihimbau, nan ujuik panyambahan ambo. Dari pucuak ka urek tunggang, Ibu bapo, Niniak mamak jo Manti pagawai adat, hulu balang sarato Imam Chatib, Bilal, Ulama,gadang ketek tuo mudo samba di situ ambo tibokan.
Kari alah manganduang perak
tanah merah manganduang intan
samo tajoli kaduonyo.
Dari Niniak turun kamamak
dari mamak ka kamanakan
lah wari juo sajak daulunyo.
Templat:Gap Patah galang baganti galang, patah ditimpo silamo lamo. Hilang gadang baganti gadang, pusako baitu pulo, patah tumhuah hilang
baganti, soko disaluakan ka nan mudo. Ketek dibari bapak namo..... kini lah tabilang dipusako. Ketek banamo....... kini gadang bagala..... nak dihimbaukan di labuah nan golong, dipakan nan rami (begitulah
seterusnya sebut nama dan gelar yang dikukuhan jadi Panghulu secara berurutan ).
