Taga dek adat jo pusako, dek bari cupak jo gantang, itulah nan kito bawo sailia samudiak, sapantang salarangan, kok hutang samo dibayie piutang samo ditarimokan ;
Talatak puntiang diulu
takanak lilin jo ambalau
tak mungkin katangga lai,
anta kok ulu nan kalapuak
Samba ala salah lalu
kumbali bunyi nak didanga
jawablah kato nak diganti,
sakito samba bake Datuok.
" GURINDAM KAMAKAN"
Alek : Layiekan pelang Sigujarat masuok kualo taluak Merah lembai malembai tiang panjang mandanguang bunyi lawik basa came kok hati sijurumudi Pihak kapado jamba nangko dicaliak paruik lah kanyang dipandang awi lah lape cukuik dek rokok nan sabatang padokan sajo jo sirie nan sakapuo.
Pangka : Alaukan kabau nan batanduok ka sawah nak urang Tanjuang Sani nak ragek rumpuik daun banto Raso kamanangi sanduak jo pariyuak maupek pirieng mintak nasi takana dijarieh tak kabajaso.
Alek : Kok makan ka dikunyah kunyan nan duo parakaro itu soko nan tabatang.
