10
"S A N D A N G "
Di bahu manyandang kain kaciak, kain cindai ampek sagi, kan pahapui paluah di kaniang, pambungkui nan tingga bajapuik,kan pangampuangkan nan taicie di jalan.
Kato daulu batapati, kato kudian kato bacari, tak bulieh tidak janyo adat. Tandonyo Tuhan basifat Qadim. Di rantai kunci tagantuang, babagai bantuak ragamnyo, marupokan alat jo pakake, banyak nan salapan bele buah.
Kaiau ditinjau alamat kunci. Kok tibo dimaso kayo kan pambukak peti kabaragie. Kok tibo dimaso misikin kan pangunci puro basiceke. Kalau dimaso murah, kan pambuka peti pakaian untuak manuruik aluo nan lurui kan panampuo jalan nan pasa.
Namun lah tibo dimaso maha, nak kokoh simpanan dek kuncinyo, Kalau diadat nan bapakai di tiang panjang Simajo Lelo. Kalau pusako kabajuntai, kan pambuka peti bunian bayiek digantang nan tatagak, sasudah gantang dibala kan panyingkokan simpanan adat
Panyimpan kato kabulatan, nak kokoh bari jo balabeh. Sasuai mangko manjadi, saukuo mangko takanak. Kok pandai bamain budi rang lain jadi dunsanak.
______________________________________________________________
"" S A N J A T O K A R I " "
Pepatah pamenan andai
gurindam pamenan kato.
Mamacik ulukok tak pandai
hancuo nagari kampuang binaso.
Elok Nagari dek Panghulu
rancak tapian dek nan mudo.
Kok tak pandai mamacik ulu
puntiang tangga sansaro mato.
Palsafah pakaian Panghulu
di dalam Luak tanah Minang.
Jikok ambalau marantak ulu
puntiang tangga mato tabuang.
Sanjato kari kabasaran, sampieng jo cawek nan tampeknyo. Sisiknyo tanaman tabu, ,lataknyo condong ka kida, dikesong mangko, dicabuik.
