Mandanga kato nan kalua-tahulah inyo Ambuang Baro-bahaso itu basangajo-sababnyo mangko tajadi-iyo rundiangan nan lah lalu nan diputuihi jo mupakaik-jo bapak sarato jo mamak-nyo-tapi batuka nan tajadi-Sutan Rajo Talauik Api-mambao rundiangan ka nan salah-sangajo mambari pamusuahan-basampik dado manarimo. Mandanga kato si Palimo-kato kalua indak baradaik lah tasingguang karuntuang miang-bajantangan urek sarapnyo-lalu manjawab maso itu,
- "Mano Palimo nan Pilihan-mano kalian kasadonyo-indak koh kalian tahu-Adaik limbago banagari-kok ketek bahimbau namo-lah gadang basabuik gala. Ikolah inyo Ambuang Baro-kakak si Upiak Puti Intan-kamanakan Datuak Rajo Sakampuang. Namun si Buyuang nan surangko-jokok barihnyo dilampaui-jikok sipadan kadiasak-indaknyo ibo di badannyo-indaknyo sayang dinyaonyo-tunggang hilang barani mati-indaknyo pandai manyiuik. Lain bana garan laku-nyo-Sutan Rajo Talauik Api-indaknyo tahu baradaik. Basalahan di sawah-sawah liek-dicaliak lantak jo batunyo-urang batanam jan dilarang. Basalahan dibanda-banda putuih-tan-
tukan laju pamatаngлуo-nyatokan panjang singkeknyo-aia tak buliah dikucaikan-baitu manuruik Adaik. Bak nangko malah pandainyo-Sutan Rajo Talauik Api mancik sikua mamakan padi-rangkiang dirabahkannyo- tungku sabuah nan taereng-pariuak ditungkuikannyo-sawah sapiriang basalahan urang manjaja dilarangnyo-dibanda tumbuah basalahan-manga aia nan dipatoknyo."
- "Kok dapek malu dikatokan-kami lai bakiro-kiro-tando nan lalu kami liman-kadihanta sacaro Adaik manga inyo jadi tarabo. Namun di diri badan denai-bia tabaka nagariko-salangkah indak baliak suruik-satapak indak buliah lalu.Kalua kalian dari siko-jan ang huni nangko. Indakkoh kalian tahu-antaro Canduang Koto Laweh-jo nagari Balaigurah-diasok nan bapalun-diaua nan balembai--adolah karang buatannyo-ditaguahi jo sumpah-satia-siapo nan malampaui.abih dimakan biso kawi-ka bawah indak baurek-ka ateh in-
97
