wajib dipatuahi Di den baitu pulo-salangkah turun dari rumah-indak den arok kababaliak-lah nyato musuah ka den hadang. Kok itu pintak Palimo-denai indak kamanulak-satapak denai indak kasuruik.
Tapi sabuah nan den pintak-usah di siko kito lakukan-iko di tangah jalan rami-takajuik urang lalu-linteh. Elok di sinan kito cubo-iten di kubu katanahan-di sinan tampe nan langang bia denai nak dahulu-turuikan denai di balakang!"
Alah malangkah Ambuang Baro--manuju kubu ka tanahan-mairiang Palimo Nan Pilihan-sarato dubalang nan baduo. Indak lamo inyo bajalan-tibo di sinan kaampeknyo-iyo di tanah nan talapang-di lingkuang pugaran randah-randah-di sinan pimpiang nan lamah-lamah lalulah tagak kaampeknyo-sanan bakato Ambuang Baro,
- "Mano Palimo nan Pilihan-kito di kubu katanahan-iko lah tampek ka jadi sasi-manantukan kalah jo manang-manantukan hiduik jo mati. Hanyo sabuah nan den mintak-nyampang kok iyo di Palimo-malang kok tibo di diri denai-gantang panuah bilangan sampai-bakehnyo nan jangan di-tinggakan-maik nan usah tahu -lampai-darah nan usah dise-rakan tanamkan denai baiak-baiak-nak jan tahu adiak kanduang den-iyo si Upiak Puti Intan. Kok Palimo jatuah dahulu denai antakan elok-elok-sarato kapan sidakahnyo ka Sutan Rajo Talauik Api!"
- Manjawab Palimo Nan Pilihan, "Kok itu kato si Buyuang pandai-lah denai tantang itu-samo arek janji dipacik!"
- Bakato pulo Ambuang Baro, "Kini baitu hanyo lai-usah bahabih hari juo-Palimo datang denai mananti-cabuiklah sakin di pinggang iko dado den nan mananti!"
Basegeh malah Palimo-alah diguluang langan baju dipaarek lakek ikek pinggang kawan-kawannyo baitu pulo-Ambuang Baro siap mananti. Alah dicari malah langkah-langkah manuruik pangguruan-iyo Palimo nan Pilihan sarato kawan-kawannyo-urang pandeka katigonyo. Dilangkahkan kaki nan suok-diganjua lang-
99
