↓Laman ko alah sah
ambiak batangyo dikareki;
tigo bulan di rahim ibu,
buruak jo elok lah tasurek,
manusia hanyo mandapeki."
Diambiak kapalo dek Palimo-dibungkuih jo kain sirah-lalu dibao hanyo lai-pulang ka Canduang Koto Laweh-ka disampai-kan bakeh tuannyo-tando alamaik kamanangan. Lah tibo inyo di sanan-di rumah Suri Balunan Suto-disambahkan kapalo nantun-lalu bakato Palimo sanan,
- "Tuan Sutan Talauik Api-sapueh-pueh bacakak-baganti hampeh-mahampehkan-kami batigo inyo surang—iyo pandeka urang nantun-galia nan bukan alang-alang. Tapi baa ka-sudahannyo-barakaik sati nagariko-lai balaku pintak Tuan- iko kapalo Ambuang Baro-Tuan tarimo dari kami-ka jadi tando jo alamaik. Tapi ado nan ganjia sangaik-salamo dunia takambang-alun panah didanga-danga. Kutiko inyo lah hambo himpik-detanyo tangga dari kapalo malayang tabang ka udaro-deta barubah jadi alang-babega-bega di udaro-tantang kami bacakak bana. Sabanta inyo malayang-lalu disuruah Ambuang Baro-tabang pulang ka kampuangnyo-ka rumah Upiak Puti Intan-tabanglah alang hitam nantun-hilang dari pamandangan-antah batuah Ambuang Baro!"
- Bakato Rajo Talauik Api, "Mano Palimo Nan Pilihan-sarato dubalang nan baduo-lai batuah kampuang kito-lai ta-bao nan dijapuik. Kini bia mak dirasainyo -dek ibu jo bapaknyo-baitu pulo dek mamaknyo-labiah-labiah si Puti Intan-baa rasonyo mungkia janji!"
- Tantangan kapalo nangko-bia disimpan baiak-baiak-dilatak dalam pasimpanan-manjalang kito baralek. Nan sakarang kini nangko-denai mintak tarimo kasih-jariah payah susah jo sakik-Palimo sarato kawan-kawan-naimaik suko salamo-
nyo!"
Salasai minun jo makan-mamintak diri katigonyo pulang ka tampaik surang-surang-sananglah hati kasadonyo.
103
