↓Laman ko alah sah
- "Mano Kakak rangkayo-rayo-kok lah baitu kato Kakak-sananglah raso hati denai-lai namuah mambao tompang. Tantang bajariah jo bapayah-rasonyo indak barek bana-apo nan patuik denai kakok-Kakak katokan pado denai-kok jauah bia denai japuik. Kok buliah denai batanyo-kabaralek gadang iko Kakak-mangko jamba sabanyak nangko-tacangang hambo mancaliak!"
- Manjawab Balunan Suto-sarato lagak jo sombongnyo,
- "O Kakak panjua sadah-kami ko iyo kabaralek-manjamu urang nagari-duo ikua mambantai kabau-alekko alek kamanangan iyolah kami manang parang-jo rang nagari Balai-gurah. Barisuak urang ka balai-ka balai medan sakato-kamanyulo kapalo Ambuang Baro. Kiniko sadang talatak-itu di peti pasimpanan. Kini baitulah di Kakak-kok Kakak lai biaso- tolong maatok jamba nangko!"
- Sanan bakato urang nantun--sambia tasanyum-sanyum juo, "Baralek gadang malah kironyo-patuik hidangan sabanyak ko isi nagari nan ka naiak namonyo alek kamanangan-denai nak malihek pulo. Tantang dijamba nan banyak ko-amak den cubo lah malatakan-iyo maatok maatunkan-kok leh sarupo langgam siko-jo di Banyua danau Maninjau!"
Sahabih inyo bakato dimulai sakali bakarajo-manyusun hedangan nan banyak nantun. Ruponyo bukan sumbarang urang-bukan panjua sadah sajo mungkin mulonyo urang baiak-malihek rancak susunanayo. Bia maatua latak piriang-sampai manyusun ateh dulang-tacangang sajo urang banyak-labiah-labiah Balunan Suto-inyo indak pandai-mangarajokan sarupo nantun-sanan bakato malah inyo, "Mano kito nan basamo-urang cakatan kironyo Kakak nangko-liheklah susun buatannyo-alun basuo pado kito susunan hedangan sarancak ko-samo jarang samo rapeknyo indak ado jujua pangkuanyo. Pado pandapek hati hambo usah kito manduo hati kito sarahkan bulek-bulek-iyo kapado Kakak nangko baa pikiran nan basamo?"
Manjawab urang nan basamo, "Mano Suri Balunan Suto-pan-
114
