dapek kami baitu pulo-mancaliak rancak susunannyo-lah patuik pulo disarahkan-kok suko inyo manolong-naknyo salamaik karajo ko."
Bakato sakali Balunan Suto-sabab inyo nan punyo alek, "Kakak juo kato kami-lorong kapado kami nangko-lah tigo malam indak lalok-mambuek sagalo nan paralu-badan kami taraso latiah-mato kami sangaik mangantuak-bisuak kajago pagi pulo. Nan sakarang kini nangko-ikolah kunci pasimpanan-simpan di Kakak baiak-baiak-kok apo barang nan kurang-Kakak ambiak sajo di sinan!"
Diambiak malah kunci nantun-pihak dek urang nan datang-sambia tagalak-galak sanyum-bakato inyo manjawab, "O, Kakak nan punyo alek-kok Kakak alah manyarah-mak den tarimo malah lai. Karano mato alah mangantuak-elok Kakak tidua dahulu-pagi-pagi kajago pulo!"
Harilah laruik tangah malam-lah lalok urang kasadonyo-dek nan Gondan Puti Intan--diambiak malah anak kunci-anak kunci pasimpanan-lalu masuak ka biliak dalam-dicari-cari peti nantun-tampek kapalo Ambuang Baro. Untuang lakeh kabatamu-tabukak malah peti basi-kapalo babungkui kain sirah-diambiak lalu dipangku-disambuik jo aia mato.
Basin tak turun Puti Intan-kapalo dibungkuih dangan kain-digendong lalu ka halaman-sanan bapantun si Pangarang, Lua error in Modul:Ppoem at line 175: bad argument #1 to 'inNamespace' (unrecognized namespace number '104').
Lah tingga rumah nan gadang-manuju pulang Puti Intan-bajalan baguluik-guluik-hari lah hampia parak siang-manampuah pamatang sawah-latiah nan bukan alang-alang-samalam-malaman indak lalok-badan bak raso bayang-bayang-tubuah lah lam-
bok kanai ambun-bapantun sanan si Pangarang,
115
