wah. Lamo sasaaik antaronyo-lah lamah badan Sutan Rajo-lah bula biji matonyo-lah malayang malah nyaonyo-puehlah hati Puti Intan-utang nyao baia jo nyao, Sambia malangkah nak ba- jalan-ditantangnyo maik Sutan Rajo-bapantun inyo di sanan,
"Ambiak dalimo dalam lubuak,
buahnyo masak duo-tigo;
salamo lambek mahanduak,
namun utang babaia juo.
Dangakan sabuah lai-kabaka badan masuak kubua,
"Dalimo di dalam kabek,
buahnyo masak duo-tigo;
namun utang dipabuek,
urang manunggu indak lupo.
Tinggalah Sutan di siko-denai ka pulang hanyo lai!"
Puehlah hati Puti Intan-piutang alah manarimo-kok malu alah tatuntuik-babaliak pulang Puti Intan. Lah tibo inyo di rumah disampaikan bakeh ibu-bapak apo-apo nan lah tajadi- diiringi pulo jo pitaruah talabiah bana ka biainyo-supayo rusia jan tabukak. Masuaklah Gondan ka biliaknyo-batuka kain jo baju lalu sakali pai mandi-manyucikan diri hanyo lai-sudah sambahyang inyo mandoa-doso nan mintak diampuni-baranti kaba hinggo iko.
122
