Tandaian alun hambo bukak,
suri jo karok ado juo;
Tuan bak cando jah mailak,
takuik ditompang hiduik hambo.
Tantang bangkalai Ambuang Baro,
sampai kini sadang tarantang,
tandaian cukuik jo karoknyo;
sadang rusuah bincano tibo,
Tuan diharok kaparintang,
mailak pulo moh kironyo.
Patuik santun Tuan ka hambo—bak nangko rupo parasaian!” Mandanga kato Puti Intan—tamanuang Pambuncak Sutan maka—kudian manjawab hanyo lai
"Mano nan Gondan Puti Intan~jorong rundiangan tantang nantun—indak sangajo mambalakang—bukanlah hamibo nak mailak—hanyo sabuah nan tapikia,
Tantang bangkalai Ambuang Baro,
pado dirantang elok guluang,
tandaian simpan jo karoknyo;
tantang karajo kito nangko,
alun malangkah Jah tataruang,
tando alamaik basangsaro.
Tandaian simpan jo karoknyo,
suto jo banang nak jan kusuik,
malang kok indak dapek kain,
daripado lalu basangsaro,
eloklah samo ganjua suruik,
patuik dituka je nan lain.
Suri rusak banang kok kusuik,
patuik disimpan elok-elok.
isuak kok paguno juo;
lah patuik adiak ganjua suruik,
jsuak kok jadi buah ratok,
samo mancan malah kito.”
125
