lam buayannyo. Dilihek pulo biai anaknyo-sadang mamasak inyo di dapua-sabab inyo alah maraso-bahaso suami lah kadatang-mungkin pulang patang kini.
Tadanga suaro suaminyo-naiak lah inyo ka ateh rumah-manamui bapak anaknyo-sadang duduak di tangah rumah-tapi ruponyo lah balain-jauah bana parubahannyo-dari sapakan nan talampau-muko pucek badan takucak-gumbiranyo alah bakurang. Mamandang laku nan bak kian-maalum Pamuncak Sutan Maka-apo sabab karanonyo-mako inyo jadi baitu.
Lah masak nasi jo gulai-dihedangkan ka ateh rumah-di muko bapak anaknyo-sambia bakato ka suami-manyuruah inyo makan minun. Tagak badiri inyo bajalan-ka tampek anak babuai-karano tadanga inyo manangih. Dek si Rono Bungo Alai-diayun- kan malah buayan-diayun lalu dikayuahkan-sambia badendang manyanyikan,
"Buai babuai anak kanduang-anak kanduang sibirantulang. . .sibiran tulang nan suok . . . ubek jariah parasai damam hulu hati limpo bakuruang. . .usah anak manangih juo. . .
"Siamang dikayu kalek,
mamanjek ka puncak batuang;
tagamang mari denai jawek,
tasintak mari mandeh dukuang.
Laloklah lalok anak kanduang-jan malah manangih juo-usah bamabuak kiro-kiro.
Siamang dikayu kalek,
malompek masuak kandang kudo;
anak tagamang lai bajawek,
denai tagamang hanyuik sajo.
Tidualah-tidua anak kanduang-anak kanduang pamenan mato-lakehlah gadang anak denai-kok gadang balehlah guno-lakehlah tinggi anak kanduang-pangganti badan nan cilako.
Capo sabatang tangah padang,
patah dahannyo kanai angin,
dibaliak batang sikaduduak.
baalah marabahkannyo;
131
