↓Laman ko alah sah
makan kanyang kironyo Tuan,
di kampuang Piliang Tangah!"
Mandanga rundiangan nan bak nantun-tasingguang hati Sutan Maka-lalu manjawab kato nantun,
- "Mano kau Ronc Bungo Alai-baa baitu rundingan kau-salaruik salamo nangko-alun kau pandai bakato-lai luruih lai sopan pulo-wakau den sangko kapakaian-lai bahati urang mukumin-kini bak raso lah barubah,
"Indak den sangko ka karimbo,
pipik sinanduang makan padi;
indak den sangko ka bak nangko,
Adiak cimburu dalam hati.
Padi masak di tapi banda,
banda dipakok jan mahilia,
pugaran tumbuah di pamatang.
kopi masak nasi tahanta,
sadang manyuok kanai sindia,
alun dimakan alah manganyang."
Manjawab Rono Bungo Alai, "Dangakan pulolah dek Tuan-
Balari ruso masuak aia,
pandan tasanda di rumpunnyo;
manyanyi bukan manyindia,
badan tasada diuntuangnyo.
- Saketek hambo hibokan-iyolah anak kanduang kito-lah duo malam kurang lalok-manyusu bakurang-kurang-rintang manangih-nangih juo antah apo garan salahnyo. Disangko inyo ngalu-paniang-badannyo biaso sajo. Mungkin juo bak kato urang-anak awak diaja manjo-gadang di tangah siang malam alun biaso dicaraikan-kini tasintak putuih sajo-alah sapakan tak basuo-patuik lah inyo katagamang!”
133
