Sanan manjawab suaminyo, "Tantang kapado anak kito-usahlah Adiak gamang bana-biaso juo tu baitu-pado anak jolong bacarai-sajak dahulu sampai kini-iyo alun panah bacarai rintang di tapak tangan sajo. Hanyo sabuah pintak hambo-tantang anak kito nangko-Adiak jago baiak-baiak usah inyo Adiak berangi-pasanang sajo malah hatinyo. Kini baitu hanyo lai-hari batambah laruik juo. Pagi-pagi tapanca timua-kok lah babunyi tabuah subuah-Adiak jagokan malah hambo-hambo bagageh ka ka hilia-karajo banyak itu kini!"
Manjawab Rono Bungo Alai, "Manolah Tuan kato hambo-basuo malah takok hambo,
"Mandaki mulo manurun,
batungkek manau jo rotan;
pagi-pagi Tuan nak turun,
ditawan janjang Puti Intan."
Tamanuang Pamuncak Sutan Maka-mandanga kato parampuannyo sabuahi indak dijawabnyo-hanyo manakua-nakua sajo.Lah laruik hari tangah malam-lalu lah tidua sarumahnyo.
Dari sahari ka sahari-abih pakan baganti bulan-lah banyak pulo parubahan nan tak tajadi lah tajadi-nan tak biaso lah biaso.Baitu pulo nan balaku-di rumah Rono Bungo Alai. Nan damai salamo nangkokini lah banyak karusuhan. Tantang Pamuncak Sutan Maka salaruik salamo nangko-lai tatap inyo di sanan-di rumah Rono Bungo Alai. Sajak kawin jo Puti Intan pulangnyo indak tatap lai lah jadi barek sabafah-kadang-kadang lah lupo sajo ka rumah Rono Bungo Alai-malihek anak pun lah jarang. lah rusual pulo Kayo Urai-mamandang anak jo cucunyo.
Kaadaan sarupo nangko makanan bana dek Aciak Cipeh-lah ado pulo suatu jalan kauntuak inyo bakarajo-malakukan asuang jo pitanah manjalankan jarum tajamnyo-supayo tajadi pa-cah-balah biapun kambang upeh-racun. Di sinan hatinyo mangko sanang sinan laloknyo baru lamak-sinan makannyo baru kanyang. Labiah satahun nan lah lalu-sasudah Talauik Api mati-
134
