↓Laman ko alah sah
- "Apokoh sabab karononyo-mangko inyo jadi baitu? Dahulu inyo lai lincah-lai ringan paramah pulo-indak disangko ka-baitu! Hanyo saketek tanyo hambo-tantang Pamuncak Sutan Maka-sajak mandapek rumah baru-baa tampaknyo bakeh awak-lai sarupo biaso juo?”
- Manjawab pulo Kayo Urai, "Manuruik pandapek denai-iyo itu manjadi sabab. Sajak inyo barumah baru-lah jauah bana barubahnyo-acok tagantek inyo pulang. Wakatu legaran di
rumah awak-dinanti-nanti indak datang-panah sampai laruik malam-sampai rasan nasi mananti-aia lah dingin dalam cerek. Kok denai pikia-pikia bana,
Indak rang sayang dicubadak,
urang nan sayang ditampeknyo,
indak rang sayang di anak,
urang nan sayang kainduaknyo.
- Badan si Rono batambah susuik-dek kurang minun jo makan-patuik anaknyo kabarubah-aia susu bakurang-kurang!
Bak cando heran Aciak Cipeh-mandanga kato Kayo Urai-bakato bagai urang manyasai,
- "Kini baru denai tahu-baitu malah lakunyo-iyo Pamuncak Sutan Maka-indak den sangko kabaitu-inyo tasabuik urang tahu-lai takato urang malin-tahu dihala dangan haram-tahu diraso jo pareso-patuik manimbang samo barek-patuik
maukua samo panjang basuo bana bak kato urang,
"Dari Nareh ka Banda Puruih,
ka hilia lalu ka Tiagan,
sampan dikayuah duo-duo;
barulah dapek cindai aluih,
marekan alah balupokan,
tampan tabuang-buang sajo.
- "Kini baitu Kayo Urai-kok Kayo Urai lai suko-ibo awak bakeh si Rono-elok juo kito sarati-carikan ubek jo pakasiah-nak tatap inyo dangan awak. Pai ka Datu Banyak Barang-diam
136
