↓Laman ko alah sah
- "Mano kau Kayo Urai-kok bunyi alah didanga-rupo pun alah dicaliak-maalum denai tantang itu. Tantang ubek nan kau mintak-iyo lai denai manyimpan. Pakasiah bakeh anak kito-kabaji ka Puti Intan-kaduonyo sakali pakai!"
Gadang hatinyo Kayo Urai-mandanga kaba baiak nantun -lalu manjawab inyo sanan,
- "Tuan Datuk Banyak Barang-kok lah baitu kato Tuan-gadanglah raso hati hambo-itu nan hambo pintak bana.Bialah nak hambo bao-Tuan jalehkan bakeh hambo-baa mamakai ubek nangko-jan salah hambo mambarikan!"Bakato Datu Banyak Barang, "Ramuan iko iyo sulik-sarik bana mancarinyo-jarang urang nan kadapek-himaik mamakainyo. Caro mamakai ubek nangko-bacari bana wakatunyo. Nan kamamakan ubek nangko-iyolah urang nan baduo 'ntun-iyo si Upiak Puti Intan-jo Pamuncak Sutan Maka.Tantang si Rono Bungo Alai-dibari pamanih sajo-ikolah minyak kauntuaknyo-dipakai wakatu kalalok jan lupo satiok malam, Kini baitu dek biainyo-sabuah pulo pitaruahan pulo namo denai-indak buliah disabuik-sabuik-itulah saraik ubek denai. Ikolah nyo ramuan nantun-usahokan bana lakeh-lakeh-sahinggo dapek dimakannyo-caliak lah beko perubahannyo!"
- Sugiro dijawek ubek nantun-sambia bakato Kayo Urai, "Pucuak dicinto ulam datang-sumua di kali aia tabik-ciek dimintak duo dapek. Tahadok mambarikan ubek nangko...baaka båbudi malah hambo-dicari saaik kutikonyo. Nan sakarang kini nangko nak hambo bao malah dahulu. Iko saketek kasaratnyo -kok saketek katokan banyak hanbo nak pulanglah dahulu,”
Bajalan malah Kayo Urai-mambao ubek nan dimintak-baubek raso rasuah hati raso kasanang hati anak. Indaklah lamo inyo bajalan lah sampai inyo di rumah.
Di malam hari backo-dihimbau juo malah anak dibao duduak barusia- iyo barundiang-rundiang ketek-mangatokan nan dicarinyo,
139
