tang Kamih malam Jumaaik kiro-kiro pukua duobaleh-sampai sanan ajalu'llah-nyao malayang badan talatak-suratan alah sajak dulu-mukaluak hanyo mandapeki.
Tagaruang sanan Silaro Acch-dipandang juo muko anak-inyo lah hanok aníang sajo-lalu maratok maso nantun–manangkuik ka badan anak-di rameh paruik dikaluahkan-raso kaputuih tali jantuang-maratok babuah-buah,
- "O Nak kanduang Puti Intan! Lah bajalan pulo malah anak jo sia Blai ditinggakan-nyampangnyo denai ngalu paniang-sialah kamaimbigokan. Kok mati pulo denai isuak-sia lai ka malapeh-antah balakang kasitindiah-mati disanda dindiang
rusuak cacak diparan maratoki,
"Anak den harok kapakaian,
kaganti cincin di jari;
anak den harok kapamenan.
pambujuak rusuah patang pagi.
Anak den Upiak Puti Intan,
panienan anjuang jo surambi;
anak lah lapeh pado tangan.
jo a lah kadenai ganti.
Den dangkuang dado nan jajai,
mangasan jari kalimonyo;
kama den kini kamanggabai,
tali lah putuih kaduonyo.
- "Baa tajadi nan bak nangko dalam sahari. patunggalan-alun abih siriah sagugu lapiak nan alun denai guluang-anak hajalan kaduonyo upeh sia nan mambari-racun di mano anak makan. Apolah doso tapabuek-Upiak indak pandai
bamuluik alun panah tahu babantah-bia jo tolan jo sahabaik bia bakorong jo bakampuang."
“Nak kanduang Upiak Puti Intan,
kasangsai malah badan nangko;
sadang rusuah anak tinggakan,
haa denai kasudahannyo."
144
