bukan sajo bajua-bali-bukan sajo basando gurau-lai bamain baso basi-samo batimbang manih muluik-baganti mulia-mamuliakan.Jadi bacinto dalam hati-mancaliak jinih pakan urang-mano nan buruak kadibuang. Bak pitunjuak Biai juo-limbago anak parampuan-patuik tahu dimaha murah-tahu dilabo dangan rugi-pandai mambali asam garam-apo nan lorong pado inyo-nyampangnyo mati Biai isuak-hambo jan tingga binguang sajo."
Mandanga rundiang anak kanduang-taiokan pulo dek biainyo-dikana badan baransua tuo-anak padusi surang pulo-kok nyampang badan pai bak kini-baalah inyo tingga surang. Manjawab Aciek Silaro Aceh, "Mano nak kanduang Puti Intan-jokok baitu nan takana--lah iyo pulo tu kironyo. Limbago kito parampuan-patuik tahu dibaso-basi-tahu mambali jo manjua-tahu ha- rago turun naiak. Hari iko denai ka balai-nak denai bao malah kini-elok basegeh malah anak-jan hari tabuang-buang. Di hari sahari nangko-bukan kapalang rami pakan-namonyo urang ka Puaso. Dari mano urang tak datang-sajak di Kurai-Banuhampu-sajak di Pasia-Ampang Gadang-urang Lambah jo Panampuang-urang Lasi jo urang Canduang-samonyo pai ka balai-jimek bahimpun itu kini. Dagangan datang banyak pulo-banta tinggi kasua baukia-dari Lambah jo Panampuang-suri aluih karok salipek-buatan tukang di Biaro-peti baukia aia ameh-dari ranah Limo Balai-kain bakampuah banang gadang-tanunan urang Balaigurah banyak nan lain tak disabuik-barang apo nan indak laku-antah kok indak rang manjua. Batuka pakai malah lakeh-hari batambah tinggi juo."
Pihak nan Gondan Puti Intan-baru mandapek izin rilah-gadang rasonyo dalam hati-sambia tasanyum galak manih-manjawab inyo maso itu,
"Biai kanduang di badan hambo-sananglah raso hati hanbo-mandapek izin biai nantun-bari izin hambo dek Biai-nak hambo basalin pakai.”
Lalu badiri malah inyo-taruih masuak ka bilîak dalam-di bukak peti pasimpanan-simpanan kain jo baju-taruhan galang jo subang-alat pakaian sacukuiknyo. Dek banyak ragam kaian- Templat:Right
