nyo—ragu tumbuah bimbang pun tibo—mano pakaiau kadipakai—iko elok itupun rancak samo katuju kasadonyo. Lah lamo patuik mamatuik—diambiak pakaian sapasalin—alun panah lakek ka badan~kain taruhan nan lah lamo—lalu mamakai malah inyo. Dila kekkan malah baju-bajunyo kain samburan batabua jo banang ameh—dikanakan pulo kain saruang—balayang makau kaamasan Jakek salendang nan bacukiak-bajambua basuji rindiak—takanak kain kendang-kendang—kendang-kendang cukia sabarih—dipasang pulo galang gadang—tabuek dari ameh urai—jari aluih baikek cin-cin—cincin ameh bamato intan—tagantung subang di talingo—ta- lingo jarek tatahan—bungo sanggua labah mangirap—manjo garudo di udaro, Lah cukuik jimek kasodonyo—mamatuik diri anyo lai—tagak ka muko camin gadang—lakek badak salayang yang tipih.
Lah dipakai minyak pamanih—galak tasanyum surang diri— rono barubah maso itu~sapantun anak rajo-rajo—bagai puti dari kayangan—roman baijak batambah elok-manggilo mato nan ma-mandang—indak dapek ditantang lamo—basuo bak pantun urang,
"Dari Padang handak ka Nareh, manitik batang sicerek, ambiak langeundi jo rantiangnyo: diindang ditampi tareh, dipiliah atah ciek-ciek, sukalah puti katandiangnyo.”
Pihak Aciak Silaro Aceh—lah sudah pulo bapakaian—lalu diambiak uncang siriah—itu kajadi buah tangan—diambiak pulo malah kampia—tandonyo urang kamambali—lalu pai ka muko pintu—manjanguak hadok ka halaman~—sambia mahimbau inyo sanan.
“Mano Buyuang Ambuang Baro—naiak ka rumahlah saban- ta—awak den barang dipasankan’ Kununlah Gombang Ambuang Baro—mandanga suaro Biai kanduang—bagageh naiak ka rumah-—satu tibo inyo bakato, “Biai kanduang di badan hambo-—apo garan Biai himbau- kan—agak tacameh hati hambo. ”
24
