- Ditabang batuang ka Sasak,
- labiahnyo ka papan tundo;
- jokok dilabihi ancak-ancak,
- jokok dikurangi sio-sio.
Agak tamalu Puti Intan—mandanga pujian nar bak nantun—lalu bakato inyo sanan, ”Jokok lah elok kato biai—to melah kito bajalan--molah uncang jo kampia nantun—dakulu Biai bajalan—nak hambo iriangkan di balakang’ ”
Manjawab pulo lah biainyo, ”Bukan baitu garan Upiak-iko kampia—jenjenglah dikau—uncang kudian den barikan-alun masonyo kau mambao. Dahulu anak bajalan—mak den iriangkan dibalakang—kok ado salah-silihnyo—nak bulia denai mangatokan—kok Jai ereng jo gendeng bulia juo denai tunjuakan.”
Lah turun malah kaduonyo—lalu bajalan hanyo lai-lah lapeh dari halaman—manampuah jalan dalam kampuang—mudiakan labuah nan panjang—manampuah kampuang Talago—agak mandaki tu saketek—bajalan indak bagageh—langkahnyo siganjua luluah—pado pai suruik nan labiah—bajalan juo maso itu—hari batambah tinggi juo.
Lah januah kampuang Talago—sampai di Jambun Kapeh Panji―sanan mambeloknyo kasuok—manuju ranah Tujuan Suku—manjalang kampuang Sitapuang. Sadang inyo bajalan juo—tadanga urang managua—urang tuo sadang manjamua—di tapi labuah nan panjang tu,
”Ka pai kama garan Upiak—dari ma garan ko cako—mangko anak sampai ka mari?”
Kunun nan Gondan Puti Intan tatagun inyo bajalan—malu tibo gugupan datang—awak alun panah kalua—indak biaso kanai sapo—indak tantunan kadisabuik—lalu tahanok aniang sajo—sanan bakato malah biainyo,
- "Manokau Upiak Puti Intan~mangalah Upiak diam sajo—manga Upiak samangkuah nantun—sahuiki malah tagua inyiak kau—pai ka pakan hambo Injiak—baitu malah katokan!”
29
