Di sinan baru inyo tahu-lalu manjawab anyo lai-antaro tadanga tak tadanga,
"Pai ka pakan hambo Inyiak!"
Bajalan juo anyo lai-alah sarantang pajalanan-takana pulo dek biainyo-nak maaja anak kanduang adaik limbago tangah jalan-baso basi di dalam kampuang-lalu bakato maso itu,
"Manolah Upiak Puti Intan-dangakan pulo pitaruah den.Limbago kito tangah jalan-atau lalu kakampuang urang-bia di dalam kampuang awak-bogo di labuah di tapian-bapakai bana tagua sapo--sarato dangan baso-basi. Kok urang tuo nan manyapo-aluran inyiak dipainyiak-kok lah satuo inyiak awak-aluran biai dipabiai-kok lah sapangkek biai awak. Kok urang mudo dipa- kakak-kok ketek'inyo pado awak iyo basabuuik namo sajo-tapi jo muluik manih juo-sarato muko nan jaraniah, Baitu pulo anak kanduang-kok laki-laki nan manyapo-atau rang tuo nan mana- gua-aluran bapak dipabapak-aluran mamak dipamamak. Kok ketek inyo pado awak-iyo basabuuik namo sajo. Tapi kok rang mudo nan manyapo-sauiki juo elok-elok-sauiki jo laku sopan sajotakuikan hati nan mukumin sauik karano Allah sajo usah barani ditampakan-nak sangko inyo pado awak.
Pihak nan Gondan Puti Intan-gilo tacangang-cangang sajo mancaliak hilia jo mudiak-ragulah mato dek mamandang-iko baru manampuah pakan-indak tantu kadisabuiknyo-heran mancaliak urang rami-mamandang langgam laku urang-malihek pii taratiknyo labiah-labiah nan mudo-mudo bondong hilia bondong mudiak sabuah haram mambali barapo garah jo kucikak bunyi galak badarai-darai.
Tapi kini den pandangi-laku satangah urang mudo-ditagua urang di tangah jalan-ataupun inyo nan manyapo-tantu bamamak inyo indak-tantu babiai inyo bukan-"mangadu" sajo disa-
buiknyo. Itu lah salah dalam adaik-indak sasuai jo limbago-usah ditiru tunak kanduang-kok ketek urang lai banamo-kok gadang urang lai bagala. Satangah pulo den pandangi-kok urang mudo nan manyapo-inyo manyahuik sambia galak-sarato geleng su-
30
