↓Laman ko alah sah
- pian Sungai Lasuang-tapian suci Sungai Mundam-lalu ka Bonjo Katinggian ka Bulakan Mato Kuciang-lalu ka Pandam Nan Baraguang-ka ranah Pincuran Tujuah-ka lorong Kapalo Koto-sadonyo jimek ta jalani. Kini nangko antah bak mano-tampan langgamnyo kampuang sanan-hati bacinto nak mancaliak-tagah dek badan alun sampai.'
Tasanyum Silaro Aceh-mandanga rundiangan Tuan Bujang lalu dijawab kato nantun-dijawab sambia jo sindiaran, sambia bagarah bakucikak,
- "Baitu malah tuan Bujang-salorong nagari Balaigurah indaklah guno ka disabuik lah hilang langgam nan dahulu lah kabua gensi sumaraknyo jalan samak tapian langang kampuang sunyi nagari haniang-labuah jadi pauitan kudolah hilang raso sumangeknyo. Tapi kok ingin nak manjalang kok leh taragak nak malihek-mancaliak kampuang buruak nantun-jokok lai pahik-pahik darah-isuak nak hambo japuik bana-buliah dihunyi lamo-lamo'"
Tatakua kapalo Tuan Bujang-mandanga rundiangan nan bak nantun-hati nan indak sanang lai-harok ado cameh pun ado malu taraso dalam hati. Apokok sabab karanonyo-mangko kato nyo satajam nantun. Lai rundiangan iyo bana-ataukoht inyo garah-garah. Kok iyo lai inyo baniaik-alun patuik inyo baitu-patuik ditaruah dalam hati. Sambia inyo bajalan juo-bakato sanan Tuan Bujang,
- "Manolah Biai janjo hambo-hambo di siko nak manyimpang-malah singgah Biai dahulu-ka Piliang Baruah Kubang iyo ka pondok buruak hambo-bogo mangunyah siriah sajo."
Manjawab pulo si Tuo nantun-sambia bagarah bakucikak sindiaran batambah tajam,
- "Usahlah kini kami singgah-kudian kami nak baragan-mananti maso kutikonyo-antah rajan kami ka mari!"
Batambah sakik Tuan Bujang-mandanga kato nan baitu sambia manakua inyo manyimpang-taruih manuju ka kampuang-
36
