"Kapa di hulu dilahiakan,
masuak kualo Indopuro;
sasa dahulu pandapatan,
sasa kudian tak baguno."
"Balanak anak-baranak,
basarang dakek jambatan,
batalua ka dalam padi;
muluik sabagai anak damak,
kalau lah lapeh dari sumpitan,
indak dapek dipinteh lai."
"Sipuluik masak diparam,
lamo lambek babungo juo;
namun bamain pisau tajam,
lamo lambek maluko, juo."
"Dirandam daun mansiang,
disusun lalu dipaduo;
namun mananam kacang miang,
putiaknyo tumbuah gata juo.”
Mandanga kato anak kanduang-tambah taraso dalam hați lah gadang raso kasalahan-capek lidah kok bapadahan-capek tangan kok mamampeh-dikaluahkan sajo surang diri. Dalam manyasa-nyasa nantun-bajalan juo kaduonyo-jauahlah batambah dakek-lah tibo garan di sanan-di kampuang Piliang Tangah lalu malangkah ka halaman naiak sakali ka ateh rumah.
38
