galombang dunia kok bajangkik,
patagok benteng dalam dado.
Tanun pulo sarawa panjang,
sarawa panjang batakaik,
baragi bamego-mego;
galombang dunia kadok datang,
patagok iman jo itikaik,
kanalah Tuhan Nan kuaso,
Tanunlah kain kakok tangan,
kain sandangan nan baragi;
Hiduik baama jo baiman,
nak salamaik patang jo pagi.
Tanun pulo cawek Pitalah.
bajambua serai-sumerai;
kok buliah pintak pado Allah,
kaua lapeh makasuik sampai.
Usah dicontoh langga kini-langgam kini banyak ragamnyo corak ragi balain-lain rono kain babagai-bagai indak sajang ko saukuran-pendek kato nak denai sabuik-apo nan elok kato urang lah iyo pulo kato awak. Jokok dipikia-pikia bana-malu taraso dalam hati-suri nan mano kito tiru-limbago nan mano kito tuang-sahagai mamang urang tuo,
"Tumangguang mambali batu,
disusun di baliak luhak;
nona tangguang Bumbai tak tantu,
ka mano tagak badan awak."
Pakaian bumiputo kito-indak baitu doh nak kanduang samo ukuran jo jangkonyo samo langgam samo tampannyo kapeh jo suto nan balain. Kokok dipandang urang mamakai bak pisang masak saparak galang jo dukuah bapadanan-tilakuang barapi-api rantak gumanti tanti baju-hiru-sumiru namo kain-
48
