↓Laman ko alah sah
- Mandanga jawab nan baitu bakato pulo bapaknyo,
- "Tantang pikiran anak nantun lah iyo pulo tu kironyo. sungguahpun iyo nan baitu pihak di badan diri kami sabalun anak dibari tahu nan kami alah samupakaik iyo jo mamak anak kanduang jo Datuak Rajo Sakampuang. Manuruik pandapek kami pandang jauah lah dilayangkan caliak hampia lah batukiakan tahadok rundingan nangko raso Jah patuik ditarimo indak patuik kito manulak. Sabab urang nan tun jokok diuji samo merah jokok dikati samo barek kok duduak lai samo randah tagak lai samo tinggi.
- Pihak si Karok Tahampai jokok dipandang paromannyo baiak pun budi jo lakunyo raso bakanan pado kami roman baiak baso katuju budi elok taratik mulia leh masak pangaja pulo cukuik ilimu kapandaian lah bak kapuran jo sadok nyo sasuai rueh jo buku-bak cincin jo jari manih baka nan bana dalam hati.
- Sebagai pulo dek ang Buyuang tahadok di badan kami anak nan bagai anak balam sikua jantan sikua batino lah samo gadang kaduonyo. Tantang si Upiak Puti Intan alah talonjak gadang pulo lah hampia balam ka pintu. Niaik mukasuik hati kami sakali marangkuah dayuang duo tigo pulau talampau sakali mambukak puro duo tigo utang tabaia nan samo dikacak pulo itu nan niaik hati kami lah patuik rundingan!”
Mandanga kato Bapak kanduang tasasak inyo dipikiran iyo nan Gombang Ambuang Baro Lamo kato mangko bajawab tatakua sajo sakutiko. Lamo sabanta antaronyo mancaliak inyo ka biainyo mancaliak pulo ka bapaknyo lalu manjawab malah sanan manjawab sambia manyarah,
- "Mano Biai manolah Bapak malah baitu kato Bapak sarato
52
