↓Laman ko alah sah
- Biai jo mamak—kok iyo alah samupakaik~ka baa pulo kato hambo—hambo ko indak kamanupang—mano nan elok kato Bapak—apo nan baiak kato Biai-asa lah kato samupakaik--manuruik malah hambo nangko.”
- Sanan bakato malah bapaknyo.
- “Kok baitu kato Buyuang—lah sanang bana hati kami-lah sajuak raso kiro-kiro—patuik rundiangan ditarimo—hari Akaik inyo kadatang. Sungguah samantang pun baitu—tan-tang langsuangnyo karajo ko—bialah kito nak bajanji—agak sabulan duo nangko—nak hasia sado nan paralu,”’
- Bakato Gombang Ambuang Baro,
- ”Kok lah jaleh nan baitu—lah lapang pulo kiro-kire baato hanyo kan sabuah—kok lai takana dalam hati—kok ado takilan pado mato—kok indak hambo sampaikan—isuak kok jadi panyasalan—laikoh patuik hambo sabuik di muko Biai jo Bapak?
- Manjawab sanan biainyo,
- Mano nak kanduang Ambuang Baro~kiniko sadang hari baiak—sadangnyo bungo lai kambang-pintak bak raso ka babari—lah patuik bana anak sabuik—usah manjadi angan-angan!”
- Bakato sanan Ambuang Baro,
- “Bari ampun hambo dahulu—kok ado rundingan hambo salah atau kok jangga kaluanyo! Mano Biai manolah Bapak-pihak di diri badan nangko-sajak ketek lah sampai gadang—rintang basando jo bagurau rintang barambuang sipak rago—jarang duduak di muko Biai—atau jo Bapak kanduang hambo.Mikinlah hambo diilimu—kuranglah hambo dipandapek — inyo disaluak-baluak Adaik—bagaua dalam korong kampuang batuluak barandai jo nagari-sabuah balun hambo tahu!”
Limbak daripado itu—baa caro jadi samando--masuak ka dalam kampuang urang-duduak di rumah-tanggo urang—bagaua jo ipabisan—caro jo niniak—mamak urang—hiduik di dalam masara-
53
