↓Laman ko alah sah
Pihak Datuak Rajo Sakampuang mandanga rundiangan nantun takanan pulo dalam hati lah iyo pulo tu kironyo sabab dikana kamanakan iyo si Upiak Puti Intan iyolah gadang gadih pulo. Lamo sabanta antaronyo manjawab Datuak Rajo Sakampuang,
- "Manolah Kakak janyo hambo tahadok rundingan nantun Dek lah takana pado Kakak lah rancak bana tu kironyo pihak di badan diri hambo dek rintang sampik-sarik juo jarang jarang datang kok Kakak alah basadio kok ado nan lah taansua tahadok ka Puti Intan hambo lah samo dalam itu iyo bak kato Kakak juo sakali marangkuah dayuang duo-tigo pulau talampau nak lapeh baban kaduonyo."
- Mandanga kato nan bak kian manjawab Silaro Aceh,
- "Jokok Datuak alah sasuai tahadok karajo nangko lah sanang pulo hati hambo. Hanyo sabuah nan takana supayo karajo nak baransua sadang kito lai basamo cubolah Datuak pikia—pikia manuang ranuangkanlah dek Datuak cubolah Datuak pandang-pandang dari hilia lalu ka mudiak dari ujuang lalu ka pangka dari tangah lalu ka tapi ka mano jalan kadituruik baiak di dalam kampuang awak atau di dalam nagariko. Kok lai Datuak bapamandangan eloklah samo di katangahkan nak muliah samo kito tiliak. Namun di badan diri hambo mato buto talingo pakak kabualah jalan kaditampuah indak tantu nan kaditunjuak. Hanyo di badan hambo nangko kama tapak kama jajak-jajak di mano kato samupakaik manumpang sinan badan hambo asa ka manjadi."
Tacanuang Datuak Rajo Sakampuang tamanuang Tuan Datuak Bungsu kudian bakato hanyo lai iyo Datuak Rajo Sakampuang,
- "Kok baitu kato kakak alah maalum pulo hambo Tapi samantang pun baitu tahadok di badan diri hambo bak kato hambo cako rintang karajo patang pagi jarang duduak basamo-samo indak tantu nan kadiojok indak jaleh nan ka
59
