↓Laman ko alah sah
- ditunjuak. Kok hambo lihek-lihek bana dari ujuang lalu ka pangka dalam nagari kito nangko indak ado urang nan tampak untuak ka jodo Puti Intan. Ato anyo kini nangko hambo pulangkan bicaroko sadang kapado diri Kakak baduo jo Tuan Datuak ka mano jalan kadituruik arah ka mano kamalangkah. Kok Kakak baduo alah saiyo alah sakacak lah sagamak hambo manuruik dalam itu indaklah hambo kamanupang. Kini baitulah di Kakak kok lai tampak nan katuju cubolah Kakak baparago nak buliah samo kito danga!"
Mandanga rundiangan nan ka tangah agak dek baliau Datuak Bungsu lah lamo tahanok sajo manyimak sajo sajak mulo sabuah alun nan kalua tantang pandapek surang-surang. Jadi taniaik dalam hati nak mangaluakan pandapek awak lah lamo di angan-angan kok untuang sasuai kaduonyo iyolah biai jo mamaknyo lalu disabuik maso itu,
- "Mano Di Rajo Sakampuang sarato Biai Puti Intan lah lamo raso barundiang mancari kato nan sabulek kok bunyi samo didanga alun basuo nan dicari alun tampak nan kadi tunjuak. Kini baitu hanyo lai di hambo lai nan taraso lai talinteh pado mato kok Datuak lai sapai baitu juo dek biai nyo di hambo batunjuak tapek sajo indak bapiliah duo tigo. Adok ka Canduang kito pai Sutan Rajo Talauik Api manti di Tanjuang Koto Laweh kakak si Suri Balunan Suto kamanakan Datuak Rajo Api urang bagadang bapusako. Lah ujo dijapuik urang lah tiok kampuang inyo barumah ka kampuang awak sajo nan alun.
- Jokok dipandang karomannyo bak raso lai kasasuai jo si Upiak Puti Intan itu nan tampak pado hambo bao bapikia lah dek Datuak!"
Sahabih rundiangan nantun taħadok urang nan baduo lamo sabanta antaronyo bakato Di Rajo Sakampuang,
- "Mano Kakak jo Tuan Datuak-tantang pandapek Tuan nan tun alah taraso pado hambo. Kini baitu hanyo lai jokok Tuan alah samupakaik jo Kakak Silaro Aceh tahadok ka urang nantun indak manupang badan hambo dima karajo
60
