duduak basamo-samo iyolah Datuak Rajo Api baduo jo kamanakannyo Sutan Rajo Talauik Api sadang duduak mangecek-ngecek. Bajawek salamlah baliau iyolah garan Datuak Bungsu Tuan Datuak Rajo Sakampuang tangah maso itu makan siriah sakapua Surang rokok diguluang hanyo lai mahisok sabatang surang kopi ka tangan maso nantun.
"Balari jawi diparak,
sudah balari inyo manurun;
baranti balapeh arak,
tabik rundingan sudah minun."
Sanan manyabuik Datuak Bungsu
"Manolah Datuak Rajo Api siriah sakapua lah bakunyah aia diminun ubek auih rundiang disabuik anyo lai sadang kadiri badan Datuak. Di hari sapagi nangko mulonyo langkah dilangkahkan dipiliah saaik nan dicari kutiko nan elok untuk manjalang tampaik nangko. Mulonyo janjang maditingkek mulonyo bandua kadidamiak naiak ka ateh rumah nangko gadanglah niaik dalam hati gadang mukasuik jo sangajo. Sungguah baduo kami datang alah saujua jo salapeh alah saiyo samupakaik sagalo dunsanak jo pamili di kampuang Piliang Tangah dalam nagari Balaigurah. Gadang mukasuik kami datang-bareklah baban nan dibao mangkonyo Datuak kami jalang. Nan jadi niaik jo naja-iyo mukasuik dalam hati indak lupo siang jo malam sajak ketek lah dijanjikan nak manjapuik kamanakan kito Sutan Rajo Talauik Api Sumando ka kampuang kami ka kampuang Piliang Tangah nagari Balaigurah junjuang anak kanduang hambo iyo si Upiak Puti Intan-adiak rangkayo Ambuang Baro. Sabuliah pintak pinto kami jo Datuak Rajo Sakampuang iyolah mamak anak kito pintak nak Datuak bari kahandak bapalakukan mamintak kami sungguh-sungguahD atuak tarimo kato nangko hanyo sakian dari hambo jawab dimintak dari Datuak!"
Pihak dek Datuak Rajo Api tamanuang inyo sakutiko ma-
62
