yuang indak baliau datang ka mari nan lain banyak ka di suruah. Kini baliau bana nan datang lain tidak jadi tujuan mancari jalan nan mamutuih kahandak nak lakeh buliah rundiangan nak bangaik salasainyo-itu menjadi pamandangan patuik manjadi pamikiran untuak manjawab kato denai!"
Lorong Rajo Talauik Api inyo nan samo-samo duduak sajak rundiangan disampaikan dek baliau Datuak Bungsu kapado mamak kanduangnyo-inyolah taruih menyimakkan. Mandanga namo Puti Intan tabayang sakali pado mato rupo wajahnyo anak nantun sungguah bakanan dalam hati ingin timbua cinto pun datang iyo bana bak kato urang lah bak dibibia tapi cawan. Tapi samantang pun baitu di muko indak dikasankan malu rasonyo kamanjawab lalu bakato maso itu sarato adab jo sopannyo sambia kapalo dirandahkan,
"Manolah mamak kanduang hambo-pihak rundingan mamak nantun pulang kapado mamak juo hambo ndak pandai babicaro hanyo manuruik kato mamak. Mamak mamacik biang tabuak maniak mamegang gantiang putuih maklum pulang bakeh mamak!"
Pihak dek Datuak Rajo Api mandanga jawab nan bak nan tun lah maklum di dalam hati lah tatakok isi dadonyo bak kato urang tuo-tuo
"Tukang ameh pai balaia,
mambao sampan salangkoknyo;
takilek ikan dalam aia,
luh tantu jantan batinonyo."
Bakato inyo sakali, "Kok lah baitu kato Buyuang maklum denai tantang itu lah sanang malah dalam hati. Nan sakarang kini nangko dipulangkan kato kamulonyo sadang ka Tuan Datuak Bunga supayo rundiangan nak basudah."
Bakisa malah parundiangan-sadang kapado Datuak Bungsu,
64
