"Manolah Tuan Datuak Bungsu iyo bana bak kato urang langkah aia Tuan langkahkan indak banyak sangkuik sampangnyo sahari ado sahari banamo. Jokok dilihek lah baroman alun dimakan lah baraso-raso nan dibao naiak pareso dibao turun jawab si Buyuang alah badanga dikumbalikan sajo pado kite. Manuruik pandapek hati hambo tantang rundiangan kito cako-kok talatak alah batampek. Hanyo sakarang kini nangko kok lai sasuai sapandapek supayo jalan naknyo singkek eloklah kini kito takuak maso karajo dilangsuangkan nak buliah samo dipikiakan."
Manjawab sanan Datuak Bungsu, "Mano Datuak Rajo Api lah sanang raso hati hambo pintak buliah kandak balaku kok auih lah buliah aia-kok litak lah dapek nasi. Baato hanyo kan sabuah-tantang masaknyo karajo nangko-mintak janji kami dahulu duo bulan masuak katigo mancari barang nan tidak manjapuik barang nan jauah mananti sasaaik nan baiak. Sapakan janji ka ditakuak hambo lapeh urang ka mari manarimo kaba malah Datuak. Hanyo nan kini pintak kami-ba kato Datuak juo arek kabek bakajangi arek kato bapamacik manuruik sapanjang Adaik kini bamulo jo basudah Datuak tarimo tando nangko galang pusako niniak kami tandonyo kito lah sabulek. Sabuliah pintak dari kami Datuak tukai tando kami nak buliah kami bao pulang nak sanang pulo hati biainyo sarato kaum nan basamo!"
Manjawab Datuak Rajo Api sambia manarimo tando nantun, "Jokok baitu kato Tuan manuruik juo malah hambo tando Tuanlah hambo jawek. Bak kato Tuan juo tapuak biaso ba baleh alang biaso bajawek iko bolehnyo dari hambo kain pusako niniak muyang lah lamo turun tamurun kain simpanan dari kami Tuan tarimolah handaknyo nak samo sanang dalam hati!"
Lah salasai batimbang tando rundiangan disabuik dek baliau iyo dek Datuak Rajo Sakampuang kapado Datuak Rajo Api,
65
