- "Kok jah baitu kato Aciak—bak auih lah dapek aia—bak litak lah dapek nasi. Tahadok urusan nangko—hambo pulangkan bulek-bulek sadang kadiri Aciak surang—asa mukasuik lai sampai hambo nan tingga diam sajo. Kini baitulah di Aciak—iko ado ameh saketek-aciak tarimolah handaknyo—kabalanjo Aciak bajalan—kok ado barang nan paralu—apo nan patuik Aciak bali. Kok indak sadang ameh nangko—jan sagan Aciak mangatokan,”
- Sanan bakalo Aciak Cipeh, ”Kok lah baitu kato Tuan—kabaa pulo kato hambo—kasiah Tuan hambo tarimo—nikmaik suko silamonyo. Kini baitu hanyo lai—harilah badarok patang—bialah hambo pulang dahulu—isuak kok ado nan marumik—pasankan malah badan hambo!”
- Manjawab sanan Tuan Bujang, ”Hambo lapeh Aciak bajalan—salamaik saio pulang pai—hasia sagalo nan mukasuik—kok ado hetongan nan basakik—hambo pasankan malah Aciak.”
Alah bajalan malah inyo—Aciak Cipeh Jilatang Kampuang—ka tampek kadiamannyo—sanang hati bukan kapalang—ulah bamulo karajonyo bijo baiak tanahnyo elok—rasonyo subua tanamannyo—bakambang bungo jo kacambah—mananti maso kutikonyo. Sanan bapikia pikia juo—bakato inyo sandirinyo—namun lah inyo Tuan Bujang lah tunduak bulek bakeh awak—lah buliah dihitam-putiahkan sorang baru kawan nan dapek—nan lain pulo dicari nan banyak kawan bakarajo-nak lakeh tumbuah bincang inyo di dalam nagariko baitu bana nan diniaiknyo—dek Aciak Jilatang Kampuang Babaliak kaba anyo lai— sadang ka Aciak Silaro Aceh adola pado suatu hari sasudah sumbayang luhua—duduak di ateh rumah gadung hati nan indak sanang diam—karajo barek kadilewakan inyo tahadok Ambuang Baro—lah dakek janji kasampai masonyo inyo kamalangkah -iyo kakoto Banda Tunggang—ka rumah Karok Nan Bahampai. Baitu pulo Puti Intan—alah batando jo Sutan Rajo Talauik lah hampia pulo masonyo—sagala barang nan paralu lah cukuik pulo diangsua-mananti maso anyo lai.
Hanyolah sabuah nan takana-dek Aciak Silaro Aceh—salorong
70
