↓Laman ko alah sah
anak laki-laki dadonyo alah diisi lah ditunjuak diajari caro masuak ka kampuang urang atau di rumah tanggo urang. Pihak anak nan parampuan lah patuik pulo dibari saluak-baluak barumah tanggo caro hiduik baduo-duo caro urang baipa bisan ataupun caro bamintuo. Dihimbau malah Puti Intan sadang duduak ateh tandaian,
- "Manolah Upiak Puti Intan anak ka marilah dahulu denai nak barang dikatokan!"
Tadanga himbau Biai kanduang datanglah inyo Puti Intan duduak basimpuah dakek Biai lalu bakato maso itu,
- "Biai kanduang badan dek hambo apo garan Biai himbaukan tanun hambo sadang tarantang banang kok kusuik ditinggakan sugiro malah Biai katokan!"
Sanan manjawab malah Biainyo sambia mamandang ka anaknyo barundiang inyo lambek-lambek,
- "Mangko Upiak den himbau duduak gadang mukasuik dalam hati. Kok indak denai sampaikan anak kok rugi kamudian. Sagalo apo nan denai sabuik dangakan bana nyato-nyato Upiak simpan di dalam hati kabaka hiduik ateh dunia!"
- Mulonyo Upiak denai himbau lai takalang pado mato takilan-kilan dalam hati karano Upiak alah gadang lah dakek pulo basuami rundiang sapatah duo patah lah patuik bana denai sabuik tahadok barumah tanggo limbago urang basuami atau baipa jo babisan. Disyarak denai kurang mahia di adaik denai lai pandai antah batuka lah tu kini antah balain kok jalannyo.
- Batanun anak alah pandai manjahik Upiak alah biaso cakap batanak jo manggulai kaparluan dalam rumah tanggo rasonyo indak nan kurang. Tapi dirasam alun tahu nan tasabuik dalam kato-kato padusi nan sarasam laki-laki nan samalu.
- Bakato Silaro Aceh, "Di Alam Minangkabau ko samolah rasam parampuan. Rasam padusi anak kanduang pakai sa
71
