kato dipadusi taragak suka mangatokan ingin pantangnyo bakahandak hati batajun malu tumbuah paruik litak salero patah baitu rasam parampuan nan tapakai di kampuang awak atau di dalam nagari ko. Rasam padusi jokok abih sipaik pamalu jokok hilang suka bahayo mangatokan hancualah Adaik jo limbago alamaik kacaia alam nangko.
Baitu pulo anak kanduang tahadok barumah tanggo kok sampai Upiak basuami gadang bana tangguang jawabnyo indaklah mudah itu Upiak pandai-pandai Upiak batenggang-tenggang malu jo sopannyo tenggang hatinyo jan talantak tenggang pulo batang tubuahnyo sarato minun jo makannyo.
Himaik jímaík Upiak pakaikan suruahnyo wajib anak turuik tagahnyo wajib dihantikan asa indak manyingguang Adaik indak dicalo uliah syarak. Siapo nan dimuliakannyo awak pun samo mamuliakan sia nan disaganinyo sagani pulo tu di awak. Kok nyo ditimpo kasusahan mandapek marobahayo sinan limbago dituangi rusuahnyo samo anak pujuak bahayo samo diranangi. Kok pikirannyo sadang susah hatinyo samak-samak ragu bijaksano anak pakai kan pantiang-pantiang paratiannyo kuman jo bisua nak malatuih. Kok tampak sabab musababnyo nan manyusah dalam pikirannyo anak jalujuik baiak-baiak bak mahelo rambuik dalam tapuang rambuik nak jan sampai putuih tapuang jan taserak pulo anak kateneng lambek-lambek anak duduakkan pikiranлyo gumbirakan jo muluik manih bao basando jo bagurau sinan tabukak kasiah sayang. Kok nyo mandapek aib malu atau badannyo kok bacacek anak bungkuih elok elok rusionyo usah dibukakan.
Sabagai lai den pasankan suami kok banyak basahabaik kadok pulo tapa-manapa biaso datang-mandatangi patinggi sopan jo taratik tagua sapo Upiak pakaikan jo hati suci muko jaraniah barih nan usah dilampaui bakucindan usah dipakai kucikak jauhi bana hati suami nak nyo sanang.
12
