Nan labiah bana den ingekan biaso tajadi ko nak kanduang kok leh suami urang barado lai kadok pamulang pulo basimpan di rumah awak pandai-pandai manahan diri jan tampak akok ka buliah bagio lah sariang bak dipilin raso lah ratak kapanehan. Mamintak pantangkan bana manyalang usah biaso malui bana tu nak kanduang. Jokok suami bijaksano bogonyo duduak ateh rumah ataunyo tidua ateh anjuang pariuk anguih inyo tahu. Rasokan bana dalam-dalam rasam padusi nan den sabuik dipangka kecek denai cako!
Pakaian salai duo halai tasimpan di rumah awak atau uang jo pitihnyo anak piaro baiak-baiak usah disumbiang diusaki kainnyo usah anak pakai saruangnyo jan dipakodek sangajo nak baparago. Indak manang awak dek itu kok lai awak basambayam antah kok cakak nan katumbuah.
Biaso bana tajadi di tangah labuah nan golong Biai di ta- ngah balai rami urang babantah jo bacaran urang bahunjun bagarumeh iyolah urang basambayam. Lain indak asa mulonyo manjadi sabab musababnyo karano kain saruang juo atau payuang suami juo.
Dek congkeng inyo timba-baliak nan surang mamakai kain saruang nan surang mambao payuang suto samo bajoak tangah balai samo-samo bapa rago. Dek mato mancaliak juo masuak pulo asuang pitanah tampak pakaian suami awak ibilih datang mahasuang bangkik burangsang dalam dado. Mulonyo kieh-mangieh kudian sindia-manyindia lalu mahamun jo mancaci sampai bacakak bagarumeh habih pakaian cabiak-cabiak badan lah tandeh luko-luko. Suami buliah aib malu ibu-bapak manjadi birah niniak-mamak tasingguang-singguang baralah kamalu awak. Usah tasuo nan baitu!
Kok nyo tasuo nan baitu indak abih di awak sajo inyiak mamak tabao rendong urang kampuang tasembai lalu manjadi siriah pinang urang dari muluik pindah ka muluik disabuik indak bapangaja indak balunjuak baajai gadanglah malu nan ditangguang usah tasuo nan baitu!Templat:Left
