pandapuran lalu mamasak anyo lai. Pihak Aciak Silaro Aceh duduak juo balapeh arak sambia mangunyah-ngunyah siriah.
Alah sabanta sakutiko tadanga suaro urang mahimbau-himbau di halaman. Sia pulo leh lai iyo Aciak Cipeh Jilatang di dalam kampuang. Apokoh garan tanyonyo,
"O, Kakak Silaro Aceh lai di rumah itu kini hambo nak barang ditanyokan!"
Manjawab Silaro Aceh,
"Adiak Cipeh moh kironyo naiak ka rumah lah dahulu apo garan nan takana?
Lah lamo indak ka rimbo,
padi di ladang lah manguniang;
lah lamo kito indak basuo,
antah kok sakik ngalu paniang."
Lah naiak Jilatang Kampuang lalu duduak baduo-duo dijawab malah kato nantun,
"Kok luruik padi di pamatang,
padi sipuluik tambun Jao;
mangko hambo lambek tak datang,
sabab dek sarik sampik juo."
Manjawab Silaro Aceh bakato sambia baibaraik,
"Barumpuik padi di Malako,
sipuluik padi siarang,
padi sipuluik tambun jati;
lah salaruik salamo nangko,
haru kini tasuah datang,
apo mukasuik dalam hati.
Apo maluruik buah padi,
antah kok bondo nan mamakan,
digaro usah dirawak,
dirawang mangkonyo tabangi
