Manjawab sakali Ambuang Baro namonyo anak jolong gadang darahnyo sadang kanaiak rabunyo sadang kambang pulo hatinyo palak-palak dingin,
"Ampuni hambo Bapak kanduang ulak ulainyo kato Bapak lah iyo pulo kato hambo. Tapi sapatah hambo sabuik lai tapakai dalam Adaik dalam kampuang kito nangko elok dijapuik jo ameh buruak ditulak jo ameh. Dek kato jadi batupang lah buruak itu namonyo kito tulak malah jo ameh tando nan lalu kito liman rundiang dilatak. di tampek nyo dima tali kanamuah putuih dima kaik kanamuah sakah. Sabagai pulo lah dek Bapak iko si Upiak Puti Intan iyo bana bak kato urang,
Hanyo sakitu dari hambo pulang ka Bapak jo ka Mamak hambo indak banyak bicaro."
Sanan bakato malah biainyo, "Mano juo Tuan Datuak sarato Buyuang Ambuang Baro dangakan pulo nan di hambo tantang kato nan ka tangah lah samo bana kaduonyo. Tantang manduduak malatakan rundiangan jo Datuak Rajo Api iyo rumik itu kironyo sungguah barek Tuan mamikia. Lorong pandapek Ambuang Baro indak malua pado bana lai dilingkuang Adaik pulo.
"Iko si Upiak Puti Intan diharok kok lai kambang biak.Kok iyo bak kaba nantun indak inyo bakaturunan alamaik tingga kampuang nangko janjang rabah pintu basaok api padam dapua tatungkuik ayam indak ka naiak lai cubo manuangkan lah dek Tuan!"
Bakato Datuak Rajo Sakampuang tahadok bakeh kakak nyo sarato kapado Datuak Bungsu, "Mano Kakak manolahTemplat:Right
