Tuan-sarato Buyuang Ambuang Baro, Pihak rundingan nan ka tangah alah samo didangakan. Pihak di badan diri hamba alah hilang-hilang pangana indak tantu nan kadiojok hari kalam suluah pun padam rintang marawak-rawak sajo. Baa sakarang kini nangko tahadok bicaro nangko hambo pulangkan ka nan basamo barang di mano kalataknyo manuruik sajo badan hambo."
Manjawab Bujang Ambuang Baro bakato sambia manyasa, "Mamak juo kato hambo sasa juo nan hambo sabuik,
Batang sapek jo batang kawa,
samo bajupang kaduonyo;
bapak sasek mamaklah gawa,
samo bahutang kaduonyo.
Namun putusan dari hambo-bia saukua bia indak walaupun apo nan ka jadi lah bulek unja kapanggali namun langkah dialah juo,
Baka palapah pucuak pisang,
palapah pucuak pisang lidi;
bia gajah nan punyo lubang,
palanduak ketek manimbuni.
Bana kok lidi di palapah,
suto diambiak ka pamaluik;
bia kok jadi pacah balah,
hambo satapak indak suruik.
Kok hambo sato dahulunyo indak bak nangko nan tajadi kabaa pulo leh lai hambo alun duduak manimbang hanyo mandanga bunyi sajo.
- Ampunlah hambo Bapak kanduang bari maoh hambo dek Mamak sarato Bai kanduang hambo rundiang hambo banyak tadorong kato kok banyak nan talompek rilahkan malah lahia batin hanyo itu pintak hambo!”
Salasai rundiangan nantun dibulekan kato jo mupakaik putusan alah dipadapek walaupun apo nan katumbuah namun
84
