↓Laman ko alah sah
Kununlah Palimo Nan Pilihan-tubuah gadang leh sanga pulo-urang bagak dalam nagari-parik paga di dalam kampuang-pandeka bukan alang-alang-gilo mahariak mambulalang-katonyo pantang disalahi-sarato pulo jo sombongnyo-disagani urang nan banyak. Baitu juo kawan-kawannyo-iyo panggawa jo panggao-ayam nan tangkeh di galanggang-panantang musuah nan tibo-panangkih lawan nan datang-leh kuat barani pulo. Sanan manjawab malah inyo-iyo Palimo Nan Pilihan,
- "Manolah garan Tuan kami-manti di Canduang Koto Laweh urang nan gadang kami lambuak-urang nan tinggi kami anjuang-payuang panji dalam nagari-kapai tampek ba-tanyo ka pulang tampek babarito. Bari maoh denai manjawab-rundiangan Tuan nantun-alah didanga nyato-nyato-dari awa sampai akianyo. Baru mandanga kato nantun-malantak ka hulu hati-badantuang ka dalam jantuang-mangantak ka ubun-ubun-mandidiah darah dalam tubuah. Kini baitu hanyo lai-pihak di badan diri kami-sarato panggawa jo panggao-indak kami bacarai lari-kama tapak kama jajak sajak dahulu lah baitu-antaro kami dangan Tuan.Kok musuah samo satulak-kok malu samo satuntuik-di-utang samo sabaia-piutang samo ditarimo-malu Tuan lah malu kami-baitu juo salamoko. Apo gunonyo kami nangko-condong kok indak kamanungkek-rabah kok indak manjagokan.
- Kini baitulah dek Tuan-sarahķan sajo bakeh kami-kok barek nak kami pikua-kok jauah nak kami japuik. Tantang si Buyuang Ambuang Barobialah nak kami aja-itu lah utang pado kami - tananglah Tuan manantikan!"
Mandanga jawab nan bak kian-sanang sungguah raso hati-nyo Sutan Rajo Talauik Api-malu lah jaleh katatuntuik-bakato inyo sakali.
- "Mano Palimo Nan Pilihan sarato panggawa jo panggao-mandanga jawab Palimo nantun sajuak rasonyo paratian-bagai auih lah dapek aia -kok litak lah buliah nasi. Kini baitu dek Palinio sarato jo kawan-kawan-hunyilah Guguak Sika-
92
