babaliak pulang ka kampuangnyo pamanciang-manciang Ambuang Baro-nak datang inyo ka mari!"
Dakek katibo parampuan 'ntun-mahambua panggawa dan panggao-kalua dari dalam samak-mahambak mahadang urang nantun-barapo hariak bulalangnyo-bak cando urang kamarampeh- mamintak urang jo pitih-diacuangkan pisau bakilek.
Tagamang urang nan lalu 'ntun-takajuik sambia tarauang-manangih mamintak ampun-dikaja pulo dek panyamun. Maalum-lah urang parampuan-indak tantu nan kadisabuik-baliak balari capek-capek dado sasak angoknyo gadang-rambuik tagerai indak takana-paluah lah maanak sungai–Jauhlah batambah dakek-- hampia ka sampai inyo di sanan-iyo di kampuang Balaigurah- bajalan juo capek-capek. Lapeh nan dari tangah sawah-lah talam- pau pincuran tujuah--lah tibo di Balai Banyak-mudiakan labuah nan gadang - tibo lah di Balai Panjang-batai Adaik dalam nagariĘ tampek bamain patang-patang-pamedanan anak mudo-mudo.
Sadanglah Gombang Ambuang Baro-sadang inyo duduak-duduak tampak parampuan nan batigo-bak rupo urang katakui-kan angkua -angkuanyo - dikaja urang--sanan manyapo Ambuang Baro,
"Datang di mano Kakak ko cako-apokoh garan nan tajadi-balain bana hambo lihek-bak rupo ado nan tak elok-bari barito malah hambo!"
Lorong parampuan nan batigo-baru tadanga urang manyapo barulah inyo baranti takuik --dicaliak kironyo Ambuang Baro lalu bakatolah nan tuo,
"Mano rangkayo Ambuang Baro-manga Rangkayo, tanang sajo indak koh Rangkayo danga kaba-nagai lah kacau-balau lah tajadi rabuik-rampeh--iyo di Guguak Sikarun- luang kami baru babalak sanan-baa kolah nan ka jadi!"
Takajuik Bujang Ambuang Baro-badasia darah di dado-mandangiang talingo kida hati nan indak sanang lai-tapi indak dipanampakan lalu bakato inyo sakali,
94
