rosok minyak. Kok lai kuniang dek kunik, kok lai amuah putiah dek kapua, kok lalu tipuan Aceh, takanak gurindam Baruiah, bamain tangguak Malayu, alua nan tapek kok lai sipi, nan sipi kok lai ka lapeh, alamaik badan tak ka kanai, himaik jimek ang mamacik, kukuah-kukuah mamegangkan, manuruik gurindam pantun urang,
Hulu malang salah galogok,
hulu baiak pandai batenggang.
Marantang kok salah kakok,
Suto jo banang kok batimbang.
Paratamo sarak nan lazim,
kaduo adaik nan kawi.
Habih tahun baganti musin,
bana usali dilampaui.
Mamahek di dalam barih,
bakato di dalam alua.
Ingek-ingek nan bijak arih,
lamak manih nambek dilulua.
Mupakaik habili cupak tahampeh,
gantang tak amuah tagak lai.
Pitua guru kok tak lapeh,
tando lai buek batunggui.
Sahinggo situ lah dahulu, hambo lah panek dek duduak, isuak kito ulang pulo.
Bakato si Rajo Ameh,
"Mano Datuak guru hambo, sagalo rundiang pangajian, pitunjuak nan datang dari Datuak, lah hambo tarimo suko.”
Bakato pulo si Rajo Ameh, sarato Bacindai Aluih,
"Mano Dausak janyo hambo, jo andeh kanduang Amin Suri sarato puti nan batigo. Malah barisuak pagi hari, kami baniaik nak pulang, etan ka Taram nan Tujuah, tacinto diibu bapak,
98
