Bakato si Bungo Kapeh, "Mano Kakak Bacindai Aluih, Templat:Block center
Manjawab Bacindai Aluih, Templat:Block center
Handai sudah rundiang baranti, lah tagak si Rajo Ameh, sarato Bacindai Aluih, lah turun basamo-samo. Lah tibo di tangah laman,inyo lah tulak balakang; bajalan si Rajo Ameh, sarato Bacindai Aluih. Lah sarantang inyo bajalan, di mudiakkan labuah nan panjang, agak lah duo rantang panjang, dek lamo lambek di jalan, latiah nan tidak takuaso. Hari lah hampia ka sanjo, taraso payah lah baranti, patang lah patuik bamalam. Dilek kiro jo kanan, dipandang hilia jo mudiak lah tampak pondok sabuah, dijalang juo bagulambek. Sarato tibo di sanan, baranti inyo sakali, mahimbau si Rajo Ameh,
"Manolah Datuak rang di pondok, kami mahimbau di halaman."
Tadanga dikato itu, manjawab urang punyo pondok, lalu mancagun sakali,
"Siapo urang nan mahimbau, naiak ka pondok lah dahulu."
Lah naiak si Rajo Ameh, sarato Bacindai Aluih, kironyo urang sorang sajo, lah gaek lah tuo bana. Sarato duduak tanyo tibo, agaklah dek urang tuo tu,
"Mano rang mudo janyo hambo, baa mangko sasek ka mari, tibo dek bamalam-malam, dari mano kalian cako?"
Manjawab si Rajo Ameh, sarato Bacindai Aluih,
101
